Part 1

Kabhi kabhi jab beeta hua kal,
Bus mein kar leta hai aaj ka yeh pal,
Toh sochti hoon kab tak, kab tak,
Yaadein karengi raahon ko ujjwal.

Najane kab shuru hui woh daastan,
Najane kab dharti ban gayi aasman,
Chalte toh the hum aankhein khol ke,
Par najane kab badal gaya raasta.

Waqt ke saath saath badti gayi dosti,
Tez baarishon mein hone lagi masti,
Kareeb aa rahe the hum baaton ke zariye,
Jald hi pasand aane lagi ek dooje ki hasti.

Zyaada tez nahi thi chahat ki raftaar,
Phir bhi dil ka ek hissa bethe the haar,
Jis dosti ki masoomiyat ko na chherna chaha humne,
Uss dosti ki seemayein ho gayi thi paar.

Jaane anjane mein hum yaar ban gaye,
Aur “dost” ke naam ka kalakaar ban gaye,
Toofan se ladne ki koshish mein,
Hum bechari lehron ka pyaar ban gaye.

Sahi galat ki pehchaan kho gayi,
Mehfil ki woh pehle wali muskaan kho gayi,
Door kiya khud ko tumse, kyunki,
Is uljhe se rishte mein khud ki pehchaan kho gayi.

To be continued...